|
الف شكر يابنات على تشجيعكم لي ... الحالة بدت عندي من سنتيين تقريبا هي خوف عند الكتابة !! يعني لما امسك القلم اكتب قدام حد تجي لي رجفة غريبة :( حالة غريبة في تلك الفترة كانت خفيفة بس الحيين بدأت تتطور لما اكون بجتماع او قدام حد غريب مثلا انحرج اقدم القهوة للضيوف ايدي ترتجف بس لكن اجلس واتكلم اضحك اوي شي عادي جدا الحمدلله طبييعية بس المشكلة بأيدي والحالة اكتشفتها فجئة يعني من غير مقدمات..بس اللي اذكره زين قبلها مرت على مجموعة من الصدمات والمواقف ..في كم شهر هدتنــي لحد الان ماني مصدقة ان كل هالصدمات والمحن تجئ فجئة وبوقت واحد اذكر واحد منها انفصال والدي عن بعض ولأني بطبيعتي حساسة مرة بعدها لاتسؤلون عن الاحزان والقلق والخوف من نظرة الناس وشماتتهم والمستقبل المجهول من كآن تتأمللين انهم سندك بدنييا والحظن الدافئ لك صاروا مصدر الم وشقاء وحزن في كل لحظة بحياتك ..بعدها مريت بحالة اكتئاب وكره لدنييا صرت ما احب اشوف حد او ازور اقاربي انا ممكن اتجاوز الاكتئاب واغير نظرتي للحياة واتقبلها بس اللي مش قادرة اتخلص منه رجفة ايدي ايش الحل انا تعبت وقربت انهار عليها يتوقف كل شي في حياتي ابسط شي الوظييفة او افتح حساب بلبنك مثلا مع العلم اني قبل كنت قمة بالجرئة وعادية جدا مصارحة اهلي شئ مستحيل والظروف لاتسمح طيب يا اخواني كيف العلاج وكيف اتخلص من اللي انافيه !! |
هلا احزان أرى أن حالتك بسيطة جدا لاداعي للقلق وسوف يتم علاجها إن شاء الله, الواضح انها مرتبطه بنوع من القلق لان القلق ياتي بصوره عضويه ونفسيه, العلاج بعد اذن الاخصائيين أولا*عليك بالمواجهة، أي عدم تجنب الموقف الذي تشعرين فيها بالاضطراب والخوف، ثانيا*تمارين الاسترخاء(اذا كان ماعندك خلفيه عن تمارين الاسترخاء راااح انزلها لك ان اردتي) وكمان الرياضية "كالمشي ثالثا* الرقيه بايات السكينه والطمانينه مفعولها عجيب في السكينه والراحه النفسيه,وهي موجوده في النت رابعا*العلاج الدوئي ان اردتي, اتمنى ان اكون قد حققت لكي جزء مما تودين معرفته شاكره لكي ثقتك بنا, |
فوبيا الطيران.....افقدتني نكهة الحياة!!!.
السلام عليكم ورحمةالله وبركاته جزاك الله خير على كل ماتقدمونه من علاج ونصائح وتوجيهات لااخوننا فيهذا المنتدى الجميل: مشكلتي ان معي فوبيا من الطيران : لكن المشكلة الحقيقة اني احس بالضعف والعجز والاحباط عندما اجد وارى احد اصدقائي مسافر بالطائرة وهو ريلاكس خالص ولايشعر بأي توتر..احس اني ضعيف وعاجز واشعر بخيبة امل كبيرة جدا اثرت على نفسيتي قليلا فما هو الحل لمواجهة هذة التوترات والاحباط من هالموضوع؟؟؟ ملحوظة: الى الان لم اركب الطائرة وبالتالي لم اجرب اي دواءبهذا الخصوص. كما ان الزانكس لايصرف في الصيدليات عندنا فهل من بديل فعال؟ تقبل الله اعمالكم في موازين الخير ان شاء الله. |
ابو ريان ترى الطيران نعمة ومتعة والحمدلله حالتك تحتاج انك تضغط على نفسك بس شوية والطيارة ماتخوف
انا حالتي مزعلتني اعاني من تعب جسدي بسبب التهاب المعدة فبتالي ماثر على اكلي اللي سببلي ازمة في الخروج عن البيت لاني ببساطة اتعب لمن تجيني خرجة طول الطريق احس بخوف ودوخة وتعب ولمن اوصل المكان اجلس اول نص ساعة دايخة بس اخد عالوضع ارتاح لكن المكيف لازم يكون متجه علي وبااارد والا ادوخ واتعب واحس بزغلله في عيوني وما احس اني مرتاحة مظبووط الا وانا راجعة بيتي مهما كان المشوار بسيط |
اشكرك على الموضوع الرائع...
انا اعاني من الرهاب من 14 سنه تقريبا وحالتي والله حاله ... وصابر الحمدلله على ما صابني... انا دايما اخاف الانتقادات خوف غير طبيعي ويسبب لي هالشي توتر وخوف وتعرق ولا اركز ابدا و دائما ما اكون منطوي غير اجتماعي ابدا اذا تكلمت (خاصة بالاجتماعات والعزايم) تكلمت كلمه او كلمتين... واشوف الناس اللي يسولفون واحسدهم واتمنى اني مثلهم اتكلم بكل ثقه ... احيانا يجيني دافع بالانتقام من اللي سبب لي المشكله هذي ... انا سمعت ان شدة الاب الزائده تأثر على شخصية الابن ... احيانا احقد على ابوي واتمنى انه مو ابوي و احيانا اتمنى اني ماطلعت على هالحياة... استخدمت وما زلت استخدم اوروركس وسيروكسات من فتره طويله ولله الحمد تحسنت جدا من ناحية الخوف والاترباك والتلعثم لكن اعاني من اعراضها السلبيه من خمول و وكسل وشرود وانعدام بالتركيز !!! والعلاج السلوكي منقطع من فتره طويله بسبب طول المواعيد !!! فيه امل اتعالج بدون دكتور ؟؟؟؟؟؟؟ ارجوكم والله مستقبلي مظلم ... من خلصت الثانوي من 10 سنوات وانا ماقدرت اكمل الجامعه ... دخلت ثلاث جامعات ولا كملت دراستي ... دائما احس بخمول وعدم تركيز وشرود ذهني مااقدر اركززز... مع العلم ان الاعراض كانت اخف قبل مااستخدم الادويه اللي ذكرتها... بس خلاص قررت اني اتغير بإذن الله و مازل املي بالله كبير... |
اقتباس:
حياك اخوي فصيل .. و تو ما نور المنتدى بتواجدك و الاكيد اننا نراح نستفيد من خبرتك .. اخي الكريم الي عجبني فيك عزيمتك ( القوية ) ما شاء الله تبارك و الله لو غيرك كان يأس من زمان و هذة نقطة ابغاك تحطها في راسك دايما .. انت انسان ( صاحب عزيمة ) ... ثانيا اخوي فيصل نعم التربية القاسية قد تضعف الشخصية و لكن ثق تماما ان ابوك يعتقد ان هذا افضل شيئ و هذا افضل ما عندة فاعذرة و سامحة كلنا بشر و نخطئ و لا تنسى ان أبأئنا تربوا بطريقة مختلفة .. و انا متأكدة ان لوالدك اسباب و ظروف جعلتة هكذا الانسان لا يكون قاسيا لانة .. والله ودة يكون قاسي .. حاول ان تبرر له تصرفاتة و تقدم كل الاسباب الممكنة له .. اتعلم لماذا ؟ .. ليس من أجلة بل اجلك انت الشعور بالغضب و الالم و الحسرة ... صدقني شعور مرهق جدا .. ضع طاقتك في العمل على ذاتك و طورها و احسن اليها .. ..... الي احب ابشرك فية انه ممكن تتغير ... و هذا يمين اقدمة لك ... ( و اللــــــــــــــــه ممكن تتغير ) .. طيب من وين جايبة هالثقة يا ريم ...؟؟ لاني انا مريت بالمريت فية و الله احس بالي تحس فية ... الاضطراب و التوتر و خفقان القلب و التعرق و و الارتباك ... تصدق اخوي فيصل اني جاني وقت كنت و الله كلمتين على بعضهم ما اقول .. فما بالك ان اتكلم و افتح مواضيع و اناقش و اقول راي .... يالله كانوا هذة الاشياء من الامور الصعبة جدا علي .... بعدين قلت طفح الكيل لازم أتغير .. وراح اقول لك طريقتي بشكل عام... هنا حابة اقول لك .. لو افترضنا ان واحد حاب يتعلم سباحة و راح عند واحد يعلمة جاء المدرب و قالة ( يالله ابو الشباب .. اسبح ) .. ايش تتوقع راح يقول له الولد ( سلامات يالحبيب و شلون تبيني اسبح و انا ما اعرف ياللوح ) .. طيب ايش المفروض يكون ؟.. المفروض يكون من المدرب الي ناوي يعلم الولد السباحة انه يعلمة شوية .. شوية مو يغرقة و روح فيها ( تأبيدة ) هههه.. و هذة كانت طريقتي ( التدريج ) ... و فيه نقاط كثيرة و تمارين كثيرة ممكن تساعدك .. ان شاء الله .. اذا كنت مستعد تتحمل ( قرقي ) الواجد فانت يا خوي فيصل تأمرني أمر و راح اساعدك بكل الي اقدر علية ... الله يوفقك و يحفظك اخوي ( صاحب عزيمة ) ... على فكرة فية موضوع مثبت للاخت نوفا ايش رايك يكون ( قرقنا ) هناك علشان برضوا الدكتور رعد يتابع معنا ... (: |
اقتباس:
اوكي انا بكتب بموضوع اخت نوفا |
السلام عليكم
والله مادري هي وسواوس او رهاب او نوبات هلع او ايش ==1==هذا لي شهر تقريبا كل ماادخل محل بحكم اني اواجه الرهاب تاتين افكار انه العمال يشكون اني ابسرق والعياذ باللله وعندما التفت اليهم اراهم احيانا ينظرون الي مما يسبب لي رجفة بالقدمين حتى تزدادا شكوكهم ولايذهب هذهي الافكار حتى اخرج من عند اي محل ادخل اي محل تاتين هذي الافكار تكفون مالحل ==2==يجين رجفة او ارتعاش الجسم بس لو ادري اي واحد يراقبن وانا جالس ثم ناظرن احد مو مباشرة يعني جالس قدام والتفت ورا ولقيت يراقبن يبدا جسمي يتنافض وبالصلاة اتعذب لانه احس احد يراقبن ولي سنة ونصف على الحال والسبب قبل هذي السنة ونصف ماكان الشيء فيه الا كما مرت شفت برنامج مع الاهل فيه كلمة انا حسيت انها قوية مثل ابتزاز وجات اختي قالت انت احيانا تسوي الشيء - قصدها ابتزاز بالمال يعني اقول تبين هالشيء ادفعي لي 5 ريال الخ- بعدها حسيت جسمي يرجف بقوة وقمت الصبح واقعد واناظر الي ورا ولقيته يناظرن وبدا جسمي يرتعش وبعدها اتى هذا الشيء ==3== عدم القدرة على الضحك وتغير ملامح الوجه لي 5 اشهر مااقدر ابضحك في اغلب الاوقات حتى يصبح وجهي اسودا ==4== الشك ووالوسوسةمنذ 6سنوتات ==5==الخوف الشديد زاد منذ 6اشهر وكثرة التبول اكرمك الله منذ 4اشهر فلا اعلم هي نوبة ذعر ام رهاب ام وسواس ام ماذا رجاء لاتقولوا رح للطبيب او ادوية لانه لايتواجد بقرينا وذا تواجد لن اذهب الا اذا كان في استشاري باي منتدى اي واحد عنده نصيحة او اي كلمة او تجربة يقولي ووفقه الله لكل خير والشيطان ياتين بالصلاة وينقض بوضوئي ولاكن اقوله اوهزمه غالبا وتارة لا مابلغ بك النصح هكذا |
بسم الله الرحمن الرحيم
صبحكم الله بالسرور والعافية ، ذهبت الى دكتور وشخص حالتي بان لدي رهاب وصرف لي سبرالكس 10 فاستفدت من هذا الدواء الرائع بمعنى الكلمة لكن عيبه مشكلة النعاس والخمول علما بان لي تسعة اشهر على هذا الدواء فهل اوقف هذا العلاج ام استمر عليه ام ابدله الى دواء اخر وماهي تعاملكم مع النعاس ارجو الرد |
السلام عليكم ورحمة الله وبركاته
أنا معكم في هذا الموضوع وحالتي اني رهابي من الدرجة الاولى خاصة في وقت الازمات الوقت الذي يمضي وانا أبحث عن ذاتي فلا أجد الا بقايا نفس عاجزة عن فعل اي شئ حتى عن الكلام او حتى اخذ نفس لا تستطيع ما دام أمام الاخرين اظن ان كلامي مفهوم |
| الساعة الآن 04:54 AM |
Powered by vBulletin® Version 3.8.11
Copyright ©2000 - 2024, vBulletin Solutions, Inc.
new notificatio by 9adq_ala7sas
User Alert System provided by
Advanced User Tagging (Lite) -
vBulletin Mods & Addons Copyright © 2024 DragonByte Technologies Ltd. Runs best on HiVelocity Hosting.
المواضيع المكتوبة لاتعبر بالضرورة عن رأي الموقع رسميا