سلامتك ان شاء الله وماتشوفين شر يارب


ايوه مثل ما قلتي ... وكل اللي يعانون من الوسواس تتطابق أفكارهم وأعراضهم بنسبة 99% يا أختي


انتي شيكي على الروابط اللي في الموضوع وقدامك العافية .. فيه ناس معي استفادوا ولله الحمد

..

ربي يكتب لنا الشفاء يارب وتكون من بعد الله سبب لنا بشفاء والله ينفع فيك يارب

اخي كيف استطعت التغلب على نوبات الهلع ؟ وهل كانت الاعراض تتبدل عندك ؟ والان عادي تتكلم عن المرض ما تخاف الله لا يقوله يرجع ؟

اخي انا سمعت التسجيلات بس ما عرفت شلون تخلصت من الافكار والاعراض ؟ يعني هل تجاهلتها او واجهتها احس الموضوع يبغى له تفصيل اكثر لو سمحت

آمين الله يسعدك ويشفيك يارب

..

نوبات الهلع تتسبب فيها الغازات والله أعلم ... لما نحس بكتمة الصدر أو نغزات جهة القلب تبدأ الدوخة وتسارع النبض والتعرق والتوتر وحالة الهلع .. وهي أحاسيس غالبا تتسبب فيها الغازات بالجسم ولكنها غير مؤذية


أولا لازم إذا حسيتي في بداية نوبة الهلع انك ما تقومين من مكانك .. لأنك اذا قمتي تزيد أكثر وأكثر


قبل لا أشفى من الوسواس تخلصت من نوبات الهلع بالطريقة هذي .. وهي اني إذا كنت جالس ما أقوم .. بالعكس أنسدح وأصير أتمغط وأبتسم واقول مجرد نوبة هلع وأصير أتذكر أشياء مهمة جدا في بالي من شان أطير الأفكار السلبية اللي تخطر على بالي


لذلك لا تقوم من مكانك وتمشي اذا حسيت بقرب نوبة الهلع .. على طول انسدح وتمغط .. وبالنسبة للأعراض أكيد تتبدل .. من أعلى الرأس لأخمص القدمين


بالنسبة لسؤالك الأخير .. حاليا الحمد لله عادي أتكلم عن الوسواس وكل الأعراض .. طبعا أنا كنت بالسابق ما أدخل قسم الوسواس لين ما تشافيت .. ومن ثم ما دخلته فترة طويلة بعد الشفاء من شان أنسى وأثبت على وضعي .. والحمد لله

..

أكيد ما كنتي مركزة .. لأني تكلمت عن الأذكار وعن التغذية وعن الرياضة وعن التعامل مع الناس والنظرة للحياة وعن الإنشغال وعن التعامل مع المشاكل الباطنية بالجهاز الهضمي .. وكذلك شرحت أشياء كثيرة من ضمنها الأسباب والتراكمات اللي تصير مع الأيام وانطواء الشخص على نفسه وسط مخاوفة وكذلك فيه تطمينات كثيرة


انتي اسمعي بهدوء كامل التسجيلات .. ولا تتوقعين يا أختي بإن الوسواس ينتهي بيوم وليلة .. يحتاج لك وقت تهتمين بنفسك من كل النواحي مثل ما ذكرت بالتسجيل حتى يبين عليك .. وعلى قد ما تنتظمين على قد ما تكون النتيجة أسرع

راح يتلاشى الوسواس شوي شوي .. وراح تنعمين بأيام طبيعية ومن ثم يجيك الشيطان وعقلك من باب ثاني .. تتسائلين ليش انا كويسة الحين ؟ أكيد راح يصير فيني شيء .. ويصير يغيب عنك أيام .. ومن ثم أسابيع .. يعني يتلاشى دون ما تحسين ما دام انك محافظة على نفسك .. التسحن ما تلاحظينه بشكل يومي ولا حتى أسبوعي .. والمهم في ذاك الوقت انك تبتعدين عن كل شيء يذكرك بالوسواس وتتفهمين وضعك


يعني تقطعين علاقتك بكل شيء يذكرك بمشكلتك وتندمجين بالحياة .. مش أول ما تحسين بتحسن تجين هنا وتتكلمين عن الوسواس وانك كويسة ومن ثم تهملين البرنامج


أبدا لا تهملينه حتى بعد ما تتخلصين من الأفكار .. لأنك محتاجة وقت حتى تكون عندك الحصانة ضده بالمستقبل

..

أحسنت أخي سلمان والله

احسنت اخي جزاك الله خير
بالنسبة للخروج من المنزل هل كنت تعاني من هالشي ؟ اذا كنت تعاني شلون حليت المشكلة ؟

بالنسبة بمرحلة بعد الشفاء شلون بعرف انها اغكار وسواسية اذا مثلا صابتني النوبة مرة ثانية او جتني فكرة ؟

أحسن الله إليك يا أم محمد .. و عسى ربي يشفيك ويعافيك يارب

..

آمين ويجزاك خير

بالتأكيد مشكلة الإنطوائية كبيرة وكنت أعاني منها ... لأني كنت أخاف أحد يلاحظ علي شيء وكذلك أخاف من كلام الناس عن الأموات والأمراض غير إني بالأساس مش على بعضي أبداً .. وكذلك كنت أخاف أروح مشاوير طويلة لأنه ممكن يحصل لي شيء .. وأشيل هم السفر والمواعيد


ما أنكر بالبداية إن الإخوة والأخوات بالصندوق في المنتدى كان لهم دور كبير في انشغالي .. كان الصتدوق حق المنتدى مزدحم وكلامنا بعيد عن الأمراض ونادراً ما نتكلم فيها .. لذلك ذيك الأجواء قضت على كثير من الوحدة والإنطوائية أيام الوسواس ... لذلك وقت تفكيري تقلص وأصبح محدود


ولكن بعد الإلتزام بالتغذية والإهتمام بنفسي والبعد عن أي شيء سلبي من البشر ومن الأماكن اللي تضايقني بديت أتغير وأبحبح عن نفسي شوي شوي وأتواصل مع الناس وأطلع .. إلى أن إندمجت مع الشعب وصرت أنشغل بالتواصل الحقيقي مع الناس دون حواجز مثل السابق


إنتي أهم شيء لا تقطعين علاقاتك مع صديقاتك والقرابة وتواصلي خصوصا مع الناس اللي ترتاحين لهم وكوّني صداقات جديدة وأعمال جديدة تنشغلين فيها .. واعرفي انك إن نسيتي العالم وقاطعتيهم نسوك .. والإنسان لابد يعرف شغله وحدة .. لابد يسوق نفسه للأماكن والبشر اللي يعطونه القوة والمتعة .. ويبتعد عن البشر اللي يخلونه أضعف ويضيقون عليه .. ما أقول نقاطع أخونا إذا كان يضعفنا وينكد علينا .. لأ .. بس نعرف متى نتواصل معه حق صلة الرحم وننسحب ونتعذر بالإنشغال من صلاة او موعد او مكالمة أو أو الخ .. واذا طولنا عنده نكون مجهزين مسار للحوار معه بحيث إننا نكون ماسكين زمام المبادرة في المواضيع اللي نتكلم عنها وتكون حلوة ومافيها باب نقاش أو نكد و على هالمنوال


الطلعة من المنزل ضرورية .. ومنها يتحرك الجسم .. وياليت والله لو كل إنسان يسوي رياضة بشكل يومي لمدة 40 دقيقة ولو نصف ساعة على الأقل .. راح تخفف كثييير من التوتر بحول الله


إنتي لو عندك بنوتة عمرها 7 سنوات .. كيف تعاملينها ؟


بتقولين راح أهتم في أكلها وشربها .. ما راح أخليها تحوس بالأكل ووجبات من ماك كل يوم .. ولا أعطيها كوب قهوة تركي تشفطة كله أو ببسي لارج من ماك :q ... راح أهتم في لبسها ونظافتها وشعرها .. راح أهتم في مواعيد نومها وصحيانها .. راح أهديها وأدللها .. راح أعلمها تجتهد وتكافح وتبتسم للحياة وتتفائل بالمستقبل .. راح أخطط معها .. راح أهتم في ما تسمع وما ترى ولا أخليها تسمع كلام السلبيين من حولها من شان ما يحبطونها ويزعزعون ثقتها بنفسها ( نحيفة ، سمينة ، قصيرة ، عيوننها مش حلوة ، شعرها قصير ) .. ولا أخليها تشوف مناظر تؤلمها في التلفزيون وتويتر والواتس وو الخ من أشياء تشوفين إنها تساعد بنتك في إنها تبني شخصيتها وتكون سعيدة وبعيدة عن السلبية والهم والكدر وناجحة في حياتها


وأنا أقول لك إعتبري هالبنوتة هي أنتي .. و عاملي نفسك مثل ما تعاملينها وأعطي نفسك نفس الإهتمام في كل شيء


لما كنتي صغيرة كانت أمك وأبوك والناس من حولك تهتم فيك لأنك صغيرة .. أما الآن كبرتي ولازم انتي تهتمين بنفسك بنفس الأسلوب اللي كانوا يهتمون فيك .. وانتي الآن أكثر قدرة على النجاح .. لأن انتي الحين تعرفين الصح والغلط أكثر من ذيك البنوتة الصغيرة

الحياةا تحتاج مننا تفاؤل وعمل وكفاح وصبر .. محتاجين ثورة على نظام حياتنا السابق وهذا اللي أدعوكم له من خلال موضوعي هذا .. والتسجيلات فيها تفاصيل .. وأنا أعرف انه يفوتني الكثير ولكن مع الوقت إن شاء الله أكون وصلت كل الأفكار اللي عندي بحول الله


والله يشفيك ويعافيك ويسعدك

..

إذا طلعتي من أجواء الوسواس فترة واهتميتي بنفسك وحصنتيها .. حتى ولو مرت عليك فكرة راح تمر مرور الكرام مثل أي إنسان طبيعي


كل الناس الطبيعيين تمر عليهم أفكار .. ولكنها تختفي بسرعة عكس الشخص اللي معه وسواس .. يعيش الجو ويتعمق بالفكرة ويعتبرها حقيقية


كل إنسان طبيعي فيه نسبة من الوسواس والمخاوف .. ولكنها ما توصل لدرجة المرض والمعاناة .. لأنه يتجاوزها بسرعة

...

أخي عبد الله سلمان .انا مثلك اخاف من المشاوير مسافات طويله ليحصل أي حاجه وانا بعيد .وخصوصا لو سفر بعيد تشتغل الأفكار والمخاوف والتخيلات .ممكن تشرحلي بلتفصيل ايه كانت وساوس في السفر

كيف الانسان الطبيعي ينجز في الحياة وهو يعرف انه في اي لحظة راح يموت ؟! كلما سئلت احد قالي الموت حق ولازم نتجهز للموت وانه في اي لحظة راح يجي وسواء خفنا اولا ؟! شلون اتعامل مع هذي الافكار ؟! وشلون اعيش يومي وانا ما افكر في الموت ؟!

new TypingText(document.getElementById("346660")); TypingText.runAll();

أهلا أختي أم حكيم

الخوف من السفر هو اني كنت أخاف إني أكون بعيد عن المستشفى إذا صار لي شي .. وكذلك أخاف من الحوادث .. وأفكر حتى لو أمشي بسرعة بطيئة انه ممكن أحد يجي مسرع ويصدم فيني : )

أفكار كثيرة جدا مالها داعي .. المهم هو ان الشخص يتقبل مرضه ويتفهمه ويبدأ يقدم على مخاوفه إلى جانب أشياء كثيرة ذكرتها في الموضوع والتسجيلات


اتخذي خطوة إلى الأمام بالكفاح العملي في التخلص من الوسواس .. الموضوع قدامك وجربي وماراح تخسرين شيء .. والكلام لك وللعموم


وأسأل الله لك الشفاء وجميع مرضى المسلمين يارب

...

انتي كنتي مثل الانسان الطبيعي قبل اصابتك بالوسواس .. اسألي نفسك هالأسئلة : )


وبقول لك انا بعد ان اللي حاصل معك هو فكرة غرقتي فيها مثلي سابقا ومثل ملايين من البشر فيهم اللي تجاوزها وفيهم اللي بالطريق ان شاء الله


المطلوب هو تقبل فكرة انك مصابة بوسواس قهري .. ومن ثم السعي الجاد في التخلص منه ... ولا تتوقفين فقط عند التطمين والسؤال عن الأفكار والبحث عن ناس يملكون نفس الفكرة .. وكم لهم سنة ةترتاحين لما تعرفين ان شخص عنده وسواس وفكرة مثل اللي عندك وله سنتين ما صار فيه شيء .. تفكرين تقولين يعني باقي قدامي سنتين : ) ... أنا كنت هيك .. كنت أروح أقرأ المواضيع القديمة اللي تشبه أفكاري .. وأشوف صاحب الفكرة متى آخر دخول له .. وأطمئن بشكل لحظي أقول باقي قدامي وقت


المطلوب منك هو الكفاح والسعي الجاد حتى ولو مخاوفك معك ... غيري أسلوب حياتك بشكل كامل واهتمي بنفسك من كل النواحي ... من تنظيم وقت الى رياضة الى أكل وشرب وانشغال ووو الخ .. الموضوع أمامك


الإنسان اللي ما يملك القوة الكافية ولا الإصرار ولا تفاؤل يشد من عزمه أقول له يتجه لطبيب نفسي ويجرب ويريح مخه .. وفي شتى الأحوال اتمنى ثم اتمنى ثم اتمنى من الجميع المحاولة بالأشياء اللي تكلمت عنها من خلال تجربتي .. حتى اللي يستخدمون الأدوية أقول لهم جربوا وراح تلاحظون فرق كبير جدا


والله يشفيك والجميع خيتو

...

الله يعافيك ويسعدك يا نواف

نورت الحته حبيب ألبي

..

بوجودك ياغالي تسلم

باقي ماسمعت التسجيلات بس الكلام محفز جدًا ماشاءالله انا كنت أعاني من نوبات الهلع والحمدلله اختفت مني بشكل كبير
لكن عندي أزمة وسواس الأحلام بشكل محد يتخيله
يعني كل شي عندي الا والا له تفسير ومرات اكون حلمت حلم ماافتكره بس افتكر لقطة وحده فأخاف واتوتر ومرات اسمع كأنه صوت داخلي يكلمني يعني يقول اشياء سيئة مثلا اكون خايفة من شي معين فأحاول اني اطنش بس اسمع صوت داخلي عكس كلامي مدري فاهمين قصدي او لا دا الشي لوحدي ولا انتوا زيي ولا كيف حقيقي الأحلام مرررا عاملة لي ازعاج ماادري كيف أتغلب عليها

نفس الحاله الأحلام جننتنا

كذاا واكثر بس دائم قولي لااله الاالله وحده لاشريك له

طيب الاحلام شلون قدرت تتخلص منها
انا فجأة أكون هادية كم يوم ولا أفكر بالوسواس وأحلم حلم يرجعني للصفر .. وآخر حلم مقلققني
لاني في الحلم رحت مع شخص
وسؤال ثاني وش نوع الاحلام اللي تجيك
يعني قد مر عليك نفس حلمي
الله يسعدك ويتمم عليك يارب الشفاء

رحت مع شخص ايه

بعد ما عانيت من الوسواس فتره توصل ل 7 سنوات و تخلصت منه ل سنتين او3 سنوات رجع لي قبل 3 اشهر كانت تجيني أفكار خفيفه و وسوسه و قدرت اتجاهلها لانها كانت بدون اي أعراض بس أفكار نتيجة وفاة 4 اشخاص من اقاربنا في نفس الفتره لكن لي اسبوع الان أعاني معاناه شديده مع الاحلام احلم بناس اعرفهم يموتون احلم بالأموات كل أحلامي مخيفه فتحت على تفسير ابن سيرين و طلع كلام بيخوف ججججدا و دنو الأجل و من هالحكي والله لا ليلي ليل و لا نهاري نهار ماني قادره استمتع بيومي و كل ما اهلي قالو شي يلا نطلع او بكرا بنروح بحس اني لو رحت بموت لو قلت بكرا بروح معكم ماراح اكون فيه بكرا و هالمره مو بس أفكار لا كمان احلام و تعب جسدي نغزات و خوف و بروده و دوخه و غثيان و ما أشتهي الاكل مدري وش اللي قلب حالي م كان فيني شي 3 سنوات و خايففففه جدا مايكون هذا وسواس و هذا كله بسبب الاحلام و التفسيرات يارب رحمتك شعور متعب جدا للعلم انا بدا معي من عمر 14 و الان انا 24

اهلا وسهلا اخت ميكا الله يشفينا ويشفيكي معظمنا هنا نعاني ايضا من الاحلام والافكار والوساوس .
ونغزااات وعثيان .ووخووف لو حد قال هنعمل كزا او هنروح في مكان .وخووووف من الاحلام والتفسبرات

جزاكم الله خيرا علي الموضوع انا عندي سؤال انا طبعا بعاني من وسواس الموت بس في حاجه جديدة ظهرت هي اني مش حاسه اني موجودة في الدنيا حاسه اني في غيبوبه وناسيه اشكال عائلتي حاسع بغربه شديدة وعدم تركيز
هل دة مصاحب للوسواس ؟ ولا اعمل اشعه علي المخ ؟

اخت و ابنة معتقل
هذا هو اختلال الانيه تحسين نفسك كانك ف حلم شعور غريب

ده من اعراض القلق واسمه اللاواقعيه عند معظمنا.
ونخاف ونوسوس منه ليكون شيء خطير في المخ

شكرا اختي الكريمه بس حاجه صعبه جدااااااااا نسال الله الشفاء يارب

فعلا احساس غريب وعجيب

اللهم اشف الجميع هنا شفا۶ا عاجلا لا يغادر سقما...و اصرف عنا الهم و الحزن و البلا۶ و اعف عنا و ارحمنا بدون ابتلا۶ في هذا اليوم المبارک. صعب هذا المرض الحمد لله علی کل حال. فلنکثر من الاستغفار و الصلاة علی النبي لعل الله يرحمنا .

اللهم امييييييييييييييييييين

عليكم السلام ورحمة الله وبركاته

جزاك الله كل خير اخي عبدالله سلمان

هل كنت تعاني من وسواس في العبادات ؟

الله يشفينا جميعا

خبر فرحني الحمدالله على شفائك ابو سالم الله يتمم عليك الصحه والعافيه🌹

السلام عليكم
انا اعاني من الوسواس من 9 سنوات
يخف و يرجع ومن سنه مرضت في معدتي وسويت كل الفحوصات و دكتور الباطنيه قال لي هذا العصب الحائر اهدي و يهدا معاج لكن ظروف الشغل مخلاني على طول في توتر و شغلي متعب شوي و انا من توظفت تعبت المعده معاي و الوسواس رجع اقوى و صار مثل الحديث المتواصل في راسي يعني ممكن اكون اشوف عيالي و لكن في كلام في راسي يدور كلام مخيف
و عندي خوف دايم من المجهول
حاولت اهتم بصحتي خصوصا خلال اسبوعين من مرضي نزلت قريب الهشر كيلو و ماعجبني تفسير الدكتور يعني قلت مستحيل بس نفسيه الموضوع و بعد فتره شفت اشيا غريبه عندي اتجهت للرقيه و سبحان الله كنت اعاني من سحر و تعالجت و لله الحمد لمده سبع شهور متواصله بالرقيه و القراءه وتحسنت حالتي و بعد فتره صار ظروف مرض الوالده الله يحفظها و مع الضغوط النفسيه اني اشوف امي بهالوضع و التعب رجعت لي كل الاعراض و بعد انتهاء علاج الوالده و عودتي للعمل رجع لي الوسواس و زياده كل فتره اتجيني رجفه جسمي كامل يرجف و يقولي زوجي شوفيج اقوله بطني و خايفه ماعرف من شو
سويت فحوصات الجرثومه و تصوير و الحمدلله مافي شي رجع قالي النفسيه تعبانه الظاهر و مع الضغوط رجعلج الالم و زادت الحموضه و هذا التعب

بس انا استغربت الارتجاف هل الوسواس و الخوف يسبب رجفة الجسم القويه بصراحه ألف شي و شي يدور براسي و رحت للشيخ و قرأ و مافي شي قالي مافيج شي هذا وسواس لان حاليا مافي نفس قبل ردود افعال و الحمدلله تخلصتي من كل اللي كان ضارج

اسمحلي طولت بوصف حالتي بس اول مره اتجرأ اكتب قصتي في مكان او منتدى دائما اقرا من المنتديات

و قصتك و تسجيلاتك حمستني و عطتني امل اني اشتغل على نفسي اعدل صحتي خصوصا لان وزني نزل و صحتي كله تعبانه المشكله عدم الشعور بالراحه بعد الاكل و يبدا يشتغل الوسواس الله ينصرنا عليه و يشفي الجميع مع قوة الاراده

ومبارك عليك اخوي الشفاء و عقبال الجميع

ايييوه اختي كتير بحس برجفه داخليه في جسمي كأنه بيترعش من جواه

شوفوا انا جاني قبل سنتين صدمه نمت وصحيت فجاه احس قلبي احد ماسكه شفت الموت قدام عيني شريط حياتي مره تشهدت رحت المستشفى قالوا ما فيك شي .. بس بعدها قمت اخاف من الموت وكل يوم اعراض مره عروقي تشد علي اروح المستشفى مافيني صدري يعورني اروح ماكو كرهت حياتي كانت اعراضي دوخه صدري يعورني عروقي تشد علي احس بضيقه ما ابي اجلس بالبيت .. تشافيت الحمدالله بفضل ربي وبفضل المنتدى وصديقتي ومدري كيف تشافيت والله


جاني فجاه قبل فتره بالسياره احس الدنيا غريبه ايدي بدت تعرق نفسي يقل نبضات قلبي تزيد .. من هنا رجع لي من جديد صرت اخاف اطلع بالسيارهولسه اخاف احس الدنيا غريبه بموت... ما احس بجسمي.. احس بالموتت .. ضيقه .. كتمه .. اخاف من المطر والزلال احس قربت يوم القيامه .. اخاف من الغبار يقول من علاماته ظهور الغبار سنه كامله ... اخاف من خوف مجهول يجيني فجاه يخليني على اعصابي قلق خوف توتر ..

حاليا ما احس بجسمي احلم كانه صار مثل شوي احس انه ابوي جاء بس هو ما جاء ... انام امي تصحيني شفتي الي تحسي ميته لسه ما صحيت ما احس اني عايشه جسمي ميت