|
نسيت اقلك انه جرعة الرهاب 20 وبنوصل لها ان شاءالله بس بالتدريج البطيء
وهالعلاج ممتاز للرهاب اخذته قبل كم سنه واضطريت اوقفه لانه غالي وبجرعة 20 تستهلك بالشهر كرتونين اثنين والحلو فيه انه تدريجه سهل اذا جينا نبي نوقفه اذكر زمان كنت اطالع بعيون الناس لما اسولف وبكل شجاعه مو زي الحين اطالع بالقهوه والا اي شي ثاني خخخخ |
هلا و الله أختي (( بنت الجوري )) ...
ما شاء الله عليكي بديتي و أنا لسه ما بديت ... أختي إلا بستشيرك الدكتور قال لي خذ حبة (( 10 ملجم )) لمدة ثلاثة أيام ثم أرفهعا (( 20 ملجم )) و عشاني حسيتها واجد تخوفت منها واااجد و لا بعد أبدأ ... طيب أختي كم يوم ناخذ (( 5 ملجم )) و بعد كم نرفعها (( ثلاثة أرباع )) و بعد كم نرفعها (( 10 ملجم )) و بعد كم نرفعها (( 20 ملجم )) ؟؟ طيب أختي ما بسألك عن الأعراض الجانبية عشان ما أوسوس فيها بس هل الأعراض الجانبيه محتمله ؟؟ و كم تبقى يعني طول فترة العلاج أو فترة معينة بس ؟؟ و أرجوك ثم أرجوك لا تقطعي و عطيني تجربتك يوم بيوم و الله محتاجها ... و شكرا لك ... سبحان الله و بحمده سبحان الله العظيم .. |
هلا فيك اخوي
راح اتواجد هنا دايم باذن الله واكتب المستجدات والملاحظات مع العلاج واي شخص يبي يستخدم نفس العلاج حياه الله معانا بالنسبه لكلام دكتورك انا مستغربه منه لانه جرعة 10 كبيره جدا جدا كبدايه انت توكل على الله وابدا بجرعة 5 بعد الفطور وزيادة الجرعه مالها وقت معين حسب تقبل جسمك بعض الناس يومين تكفي ويزيدها وبعضهم يحتاج اكثر كل ما حسيت انه الاعراض خفت زيد الجرعه وعموما اعراضه محتمله وما تطول حدها اسبوع او عشره ايام بالكثير بالصيدليه تلاقي عسل مع جنسنق اشتريه وفيتامينات ماتيرنا اشتريها لانهم يخففون الاعراض ويمكن تنتهي تماما وانا اكلهم مع العلاج يلا ابدا وخبرني بالنتايج |
هلا و الله أختي (( بنت الجوري )) ...
شكرا لتواصلك و إجابتك بس بسألك و لو أني قثيتك بس هالصفحه خليها لتجاربنا مع (( السيبراليكس )) و زي ما قلتي اللي يبي يستفيد حياه الله و يشرفنا و يثرينا بتجاربه ... الدواء آخذه بالليل أو بعد الفطور لأن عندي دوام الصباح ... ما يسبب خمول و نعاس ؟ سبحان الله و بحمده سبحان الله العظيم ... |
انا اول ما ابتديت به اخذته بالليل وما قدرت انام تعبني بالنوم
وغيرت وقته صرت اخذه لما اصحى من النوم بعد الفطور والحمدلله ضبطت الامور يمكن تحس شوية خمول بالبدايه بس مع القهوه والشاي يروح |
اغريتيني بالسيبراليكس .. عموما أنا جربته كأول دواء لي ..
بس لما قلتي لي اني اناظر بعيوونه بكل شجاعة >>> حمستيني ع العموم يعطيكم العافية .. وما تشوف باس ياصدى الريح |
شكراً أختي (( بنت الجوري )) ...
و شكراً أخي (( نديم الأثير )) ... نديم الأثير الأدويه (( النفسيه و العصبية )) خطيره جدا و لا تأخذ إلا عن طريق وصفة طبيب و من الخطوره بما كان أن تأخذها من تلقاء نفسك (( أحذر ثم أحذر )) ... أنا أخذتها بناء على تعليمات (( أستشاري نفسي )) و حبيت أشارك أختي (( بنت الجوري )) و آخذ تجاربها بحكم أنها أستخدمت الدواء سابقاً .. و لكن (( أنت )) حذاري أنت تأخذه دون إستشاره ... سبحان الله و بحمده سبحان الله العظيم ... |
لا أكيد أخوي صدى .. انا استخدم أدوية من استشارة الطبيب ..
عموما يعطيك العافية ع النصيحة وما ترى باس إن شاء الله |
هلا فيك اخوي نديم الاثر
حلو السيبرالكس للرهاب بس بجرعة 20 ولانه من العلاجات الحديثة الصنع اعراضه الجانبيه محتمله وتختفي بالاسبوعين الاولى وما تصير انتكاسه عند ايقافه مثل السيروكسات اخوي صدى الريح وش صار معاك بديت والا للحين متردد :) انا وصلت جرعة 10 |
بنت الجوري الله يسعدك ياليت تقولي تجربتك الأولى مع السيبرالكس بالتفصيل
يعني كم استمريتي وايش صار بعد ماوقفتي كيف كانت الاعراض كم استمر مفعوله وكيف كانت طبيعة حياتك يعني تطلعي من البيت كل يوم وتشوفي ناس ولا ؟ لأني احس الانتكاسه من طريقة الحياة اللي يكون موظف ويترك العمل اكيد بينتكس او يكون طالب ويتخرج ويجلس بالبيت زي حالتي اكيد بتدهور حالته معليش ثقلت عليك بنت الجوري بس ودي اطمن لأني اخاف من الأدويه وصدى الريح يعطيك العافيه عالموضوع وأحلى شي انك تزوجت ماشاء الله عليك لو بتجلس تستنى الرهاب يروح ماراح تتزوج ربي يوفقك ويشفيك ويشفي مرضى المسلمين |
هلا و الله أختي (( بنت الجوري )) ...
ما شاء الله عليك وصلتي لجرعة (( 10 ملجم )) و الله بطله ... أنا أختي للحين ما بديت (( بعدي خايف و متردد )) مدري يمكن لأنك أستخدمتيها قبل كذه و عارفه خباياها ... و لا أدري متى أتشجع و أبدأ ؟؟؟؟؟ و هلا بأختنا (( مريوما )) اي و اله تزوجت بس فيه صعوبه بالحياه الاجتماعيه و الزيارات و كذه و زوجتي دايم تلومن و تسألني عن التقصير بس أصرفها (( ههههه )) ... و المهم بيني و بينك أختي (( مريوما )) الواحد يرضى بنصيبه و باللي الله كاتبه له ... أختي (( مريوما )) وش اللي تعانين منه و هل رحتي للدكتور و وصف لك العلاج أو لك تجارب مع علاجات أخرى ؟؟ أرجو أفادتنا ؟ سبحان الله العظيم سبحان الله و بحمده ... |
انا كنت انطوائيه بالبيت يعني يجونا ضيوف ما اقابلهم
لكن بالمدرسه شئ ثاني حتى اخواتي لما احيانا" يجوا المدرسه ينصدموا كان لي شعبيه بالمدرسة وشخصيتي مميزة لدرجة اني كنت استمتع اذا خلتني الأبلة اقرا تعبيري قدام الفصل بجد كنت احس بمتعه اني اقرا والكل يسمعني واجلس ازعج الأبله لين تقومني اقرا سبحان مغير الأحوال ^_^ كان هذا حالي بالمدرسه لين نقلت بثالث ثانوي لمدرسة ثانيه كنت ما اعرف احد وبدت تجيني اعراض الرهاب لما تقومني احاول قد ما اقدر تكون اجابتي مختصره بحصة التعبير غالبا" اغيب ومره اصرت الأبلة اني اقوم اقرا وقفت وساكته وهي تقول يلا ابدأي وانا ساكته قالتلي شفيك ؟ تعبانه ؟ قلتلها ايوه قالت طيب خلاص اجلسي وبالفسحة نزلتلها وقلتلها ممكن ماتقوميني اقرا أبدا" >>> شين وقوة عين ^_^ لأني بصراحة تعبت من التهرب والغياب واجلس اشيل هم من قبلها وقلتلها عشاني جديده استحي من البنات ومن هالكلام المهم مرت السنه حمدلله ولو كنت اعرف وقتها علاج كان استخدمته بدون ما افكر لأنها كانت من اصعب اصعب سنين حياتي اعراض غريبه كنت حتى لما اضحك احس عضلات وجهي مدري كيف حركات لااراديه مااقدر اضحك زين ورجفة بيدي ورجلي وهزة في الراس كانت هزة الراس اكثر شي مؤلم لأني ما اقدر اخفيه ومن بعدها لازمني الرهاب لين الحين متخرجة من الجامعه بالجامعه حمدلله كنت مشيه اموري لأن اغلبها بس احضر محاضرات واطلع يمكن بالتربيه العملي واجهت صعوووووبه وكنت بترك الجامعه بس ربي سخرلي مشرفتي الله يسعدها ياااارب دنيا وآخره اعطتني رقم تليفونها وجوالها وكانت قبل ماتجي تكلمني تقولي انا في السكه ربي يسعدها والله ما انساها من دعائي وودي اتجمل معاها بأي شئ بس خساره سافرت مصر :( المهم ان الرهاب الحين حمدلله خف شوي بس مازالت رقصة الراس هذي متعبتني ورجفة اليد خاصة لما اصب قهوه نفسييييي اصب قهوه للمجلس كله وانا واثقه ومبتسمه اصلا" قلت لو بتزوج ماراح ادخل فنجان قهوه بيتي بقوله يا أنا يا هو ^_^ نفسي اتعالج من الرهاب مو بس عشان اتكلم مع الناس نفسي امسك المايك واتكلم قدام ملايين الناس للحين مااستخدمت اي دوا غير الاندرال وهذا له قصه ثانيه بختصرها عشان احس اني مصختها بقوووه مره صحيت من النوم وقلبي يضرب ضربات فظيعه كأنه خلاص بيطلع من مكانه كنت قبلها مواصله ومااكلت اكثر من 20 ساعه المهم توقعت انه خلاص اعراض الموت رحت المستشفى وانا اكره المستشفيات وقال الدكتور النبضات زايده بس يمكن اجهاد والحمدلله التخطيط والاشعه سليمه وكتبلي الاندرال عند اللزوم يعني اذا رجعت الحاله اخذه بس ما اخذته لأني خلاص عرفت سببها وبعدين افتكرت اني قرات اسم الدوا هنا ورجعت سويت بحث ولقيت الدكتور رعد كاتبه لواحد ياخذه عند اللزوم يعني لوفيه مناسبه ولا شي ياخذه قبلها بساعتين وقلت بما انه مو على طول ان شاء الله ماراح يضر واخذته يمكن مرتين كنت حاسه باسترخاء وقلبي ماله صوت لدرجة اني كم مره حطيت يدي على قلبي خايفه يكون متوقف وانا مدري >>> لحد يسألني كيف تجي ^_^ وبصراحه حسيته نعمه تستحق الشكر يارب لك الحمد والشكر بس برضو اخاف منه وما اخذه الا نادرا" وآسفة عالإطآآآآآآآله بس حبيت اترجم مشاعري يمكن احد حاسسها فنسلي بعض ^_^ وان شاء الله اكون افدتك بشئ اخوي صدى الريح |
اقتباس:
انا جربت السيبرالكس زمان يمكن قبل خمس سنوات ما تحسين بالشجاعه الا اذا وصلتي جرعة 20 وانا يوم وصلتها ما طولت يمكن شهرين ووقفته ورجعت لعلاجي الاول سبرام لانه السيبرالكس غالي وبجرعة 20 تحتاجين علبتين من فئة 10 كل شهر ووقتها ما كان عندي استطاعه ماديه ابدا كانت الفتره قصيره جدا اللي تمتعت فيها بالشجاعه حسيت باحساس حلو فقدته من زمان حسيت براحه بسعاده بثقه والله الرهاب الاجتماعي عذاب انا عانيت من اكتئاب ومن قلق وارق كنت ابكي من قوتهم زي الطفل بحضن امي بس وربي ما يقارن بعذاب الرهاب وحاليا رجعت للسيبرالكس وناويه استمر واطول باستخدامه الين اتخلص من الرهاب باذن الله مثل ما تخلصت من الاكتئاب والقلق بنفس الطريقه فقط طولت باستخدم العلاج بدون سلوكي ولا معرفي ولا غيره وقبل كل شي بفضل الله |
اقتباس:
انا والله مستعده اكل اي شي في سبيل اني اتخلص من هالمرض والسيبرالكس اخذته بدون وصفة طبيب فقط من خلال اطلاعي بالنت بعد فتره رحت لدكتوري وسالته عنه وقالي ممتاز للرهاب |
بنت الجوري يااختي ليه تشترين العلاج العلاج متوفر بالمستشفى الحكومي يصرفونه لك مجانا
اسمعي نصيحتي وروحي مستشفى الصحه الحكومي لاحسنلك لان المشكله ان الادويه النفسيه غاليه زي ماقلتي صراحه انا طفشت من الاكتئاب على الرهاب على ابو الوسواس على ابو الامراض النفسيه ابي اعيش طبيعي ههههههههه عصبت اتمنى ماحد يتردد انه ياخذ علاج العلاج يفييييييد يفيييد بس اهم شي انه يناسب جسمك وجيناتك وتكون الجرعه ممتازه |
| الساعة الآن 03:13 AM |
Powered by vBulletin® Version 3.8.11
Copyright ©2000 - 2024, vBulletin Solutions, Inc.
new notificatio by 9adq_ala7sas
User Alert System provided by
Advanced User Tagging (Lite) -
vBulletin Mods & Addons Copyright © 2024 DragonByte Technologies Ltd. Runs best on HiVelocity Hosting.
المواضيع المكتوبة لاتعبر بالضرورة عن رأي الموقع رسميا