السلام عليكم انا توي سجلت عندكم اتمنى محد يعدي مشاركتي واتمنى تردون علي تكفوووووون ، وبصراحه محد شخصني الى الان ولا رحت لدكتور نفساني ابدا يعني ماحصل فرصه .

انا من كان عمري 9 سنين اعاني من نوبات هلع ولا كنت اعرف عنها شي وكان فيني خووف وقلق وتوتر ودوخه ورجفه واضحه .

وكنت اذا تسكر اي باب واذا جلست بظلام يجيني دوخة وخفقان وانقطاع النفس وكان راح يغمى علي اضطر اني اطلع برى شوي وارجع .

واصبح عندي خوف من اخر العصر الى وقت النوم اكره هالفتره عندي يجيني ضيييق وبكاء وما احب النوم وقلق وتوتر بشده لدرجة اسهر معاها ثم انام جالسه خلال الشهر تجي كذا مره .

وكان عمري 12 حضرت في مركز يتكلمون عن الموت والقبر والكفن وصرت اقراء وابحث عن الموت وصار عندي وسواس موت ونوبات هلع واتامل رجولي وانتطر على سورة القيامه ( والتفت الساق بالساق ) .

وخف الوسواس من نفسه وصارت بس نوبات تخفتي ومرات تجي فجاءه طبعا مع الشعور كاني بحلم هذا كثييييير يجيني .

وفهمت لنظام النوبات مع انها والله مرات تجي 4 ساعات مع افكار انتحاريه وافكار غريبه ماتخطر بعقل مسلم واتعب بس اتذكر اخر مره جتني واخفف من نفسي وتهداء وترووح اليوم الثاني مافيني اي شي مع العلم اني عمري مابحثت عنها الا قبل سنتين ولا فصلت فيها .

اعرف اعراضها واضحه ومفهومه واقدر اتخطاها طبعا مو بسهوله بس فهمتها وخصوصا انها تجيني للموت فقط .

الى انا وصلت ال24 سنه ، تابعو معي تكفووووون .

وقبل شهرين بالتمام شكيت من الم بالظهر وضعف عام في الجسم وبحثت بقوقل وطلع اعراض اانزلاق غضروفي وتعايشت معاه على انه (انزلاق غضروفي ) وطبعاا """ لاني شلت شي ثقيل وعورني مره""""

طبعا كل الدكاتره اللي اروح لهم اقول لهم اني شلت ثقيل عورني ظهري واحس بضعف في الجسم .

1)ورحت دكتور عظام كشفت اشعه سنيه يقول ممكن خشونه .
#حولني لدكتور علاج طبيعي قال ممكن من العضلات سويت جلستين وتعبت وتركته .

وجلست اسبوع ابحث بديت احس بوخز في الظهر وبحثت في النت وتطلع لي امراض العالم كلها امراض اعصاب مخيفه ماراح اكتبها لانها بجد مخيفه ونفس اعراضي وقريت عن مرض معين ماله علاج نهائيا ونهايته العمى والشلل الله يبعدها عنها ويمتعنا بالصحه والعافيه ياااارب .

جاتني نوباتااات هلع متكرررره كل ليله تجيني المعتاده بزياده رجفه وخفقان قوي وحراره بالجسم كانها حرق تحت الجلد ودوخه وزغلله بالعيون وغثيان وخز بالجسم كله وتنميل وغصه بالحلق صعوبه في البلع وعدم تقبل الاكل نهائيا وشحوب واصفرار في الوجه واسهال اكرمكم الله.

تفكيري مسلط على هذا المرض بس ابحث عنه وعن اعراضه وكل شي احس فيه قلت هو خلاص وصابني حاله احس الحياه انتهت ومستقبل انتهى حتى اختباراتي بس امشي حالي فيها بس ابكي وضيقه وشعور اني في حلم وبصحى منه وتانيب ضمير على كل شي سويته بحياتي .

3)رحت طواري وقلت لهم شلت ثقيل وعورني ظهري وسوو لي اشعه سنيه عمود فقري كامل وقلت انا احس بوخز وتنمل وحراره بجسمي كله حتى وجهي انا يمكن معي المرض الفلاني وكشفت على عيوني ورجولي وقالت انتي مره قلقانه روحي تحاليل مغنيسوم وباء 12 ودال وغده ودم رحت التحاليل وكلها سليمه الا الدال15 .

4)رحت استشاري مخ واعصاب وقلت وفحصني فحص سريري قلت له شلت ثقيل وحسيت بالم ووو وخز وتنمل وحراره وسالته اذا هذا المرض معي او لا وانا قريت انها اعراضه وقال مو شرط قلت بسوي اشعه رنين يمكن نلاقي شي قال مو شرط اذا سوينا اشعة الرنين وحصلنا هالشيء يعني هذا المرض ونعطيك على اساس اانه معاك خطاء مره وعطيته تحاليلي قال كلي دال كل اسبوع علبه.
#وحولني لدكتور عظام سويت رنين مغناطيسي بدون صبغة للظهر وقال سليمه يمكن التهاب بسيط واعطاني ادوية اعصاب .

5)ورحت اخصائية جهاز عصبي وسوت لي من غير كشف قالت انا بقولك مافيك اي شي انتي بس متوتره قلت لها سوي لي اشعه اما رنين ولا مقطعيه . وقال طيب اسري لك مقطعيه وقالت مافيك شي انتي مره متوتره وقلقه وهذي اعراض القلق . وشافت تحاليلي قالت تمام خذي دال بس .

مرات احس بشد بالراس ودوخه وشعور اني بحلم وانزعج من الاصوات وعيوني تعورني وصداع وااحلاااااام لاتنتهي وبس اطالع في جسمي ووجهي واحس وجهي مايل ويدي ورجولي راح تلف ورجولي احس بالم باصابعي واحسها بتلف .
طبعا غير نغزات القلب وضيق النفس والرجفه اللي قلل اصحى من النوم احسها وتصحيني من النوم وهزه بالجسم وكهربه غريبه رص الاسنان لدرجة احس بالم في الفك ومرات احس اني انسى انا مين وهذول مين .

معقوله هذي اعراض قلق ولا اعراض مرض انا مدري عنه


احس اني مو على بعضي احس اني مريضه بمرض ما شافوه الدكاتره واقول باقي لي تخطيط اعصاب وباقي لي اشعة رنين بالصبغه اكيد برتاح لمى اسويها المشكله اهلي يقولون مافيك شي .

الله يشفيك ويعافيك نوبات هلع ووسواس كلها مريت فيها دي الأعراض ماعدا شيلة الشئ الثقيل بس تطمني إيش اللي مخوفك دام تأكدتي وتطمنتي السبب نفسي أكيد وترا الطبيب المختص يشخص المرض من كم عرض ويعمل على هالأساس الأشعة ف تطمني إن شاء الله مابك إلا العافية توقفي عن التفكير والإسترسال مع الوسواس حاولي تزوري طبيبة نفسية تساعدك إن شاء الله

هل سويت اشعه للراس وتحاليل ؟
نفسي اروح اسويها احس راح اتطمن اكثر .

مافيك شي طالما الدكتور قال مافي شي
هو الوسواس اللي يلح عليك (اتطمن اكثر)

كل فكره ملحه ومزعجه هي من الوسواس

احس انه وسواس بس مرات اقول لا هذا شي حقيقي مرض او شيء معي ضيييق وشعور بالبكاء فضيعه واتخيل انه اعاني من هذا المرض ياااارب ساعدني .'

حسيت اني اذا تجاهلت الاعراض تخف شوي بس ترجع بشكل ثاني يعني الان احس قلقانه احس بضعف برجولي واطنشها يجي الم بيدي او بعيني .


تكفين ردي علي تكفين هل رحتي دكتور وسويتي اشعه ؟؟؟؟

كنت اروح مرتين باليوم لكذا عياده والله كنت اروح الصباح والعصر واحيانا الضهر
وانا طالعه من الجامعه بعد ههههههه لين مليت وتعبت من المستشفيات
واخر شي من كثر ماروح استحيت من اللي اروح لهم
قلت اجرب اروح المستشفى اللي ب حارتنا يمكن تكتشف المرض اللي عندي💀🤭
فيه دكتوره سودانيه على طول قالت انو عندي وسواس ^
وبعدها مليت والله حتى كررهت الامراض ماحب اسمع طاريها
الاشاعه ماسويتها لني حامل و كنت بسويها للراس مقطعيه والمعده
ماقول تشافيت لكن خف كثيررر مع التجاهل

الحمدلله بس ايش كنتي تقولين لهم ؟
لاني انا احس بغثيان اكثر شي

نفس القصة ضربات القلب و احساس غير طبيعي بالخوف و ضيق بالصدر